قسم الأجهزة هو شاشتك الرئيسية أثناء التشغيل. كل جهاز ظاهر بحالته ووقته، وكل الأوامر بكليك يمين.
إضافة جهاز يدويًا
أجهزة الـ PC بتضاف لوحدها لما تثبّت الكلينت. أجهزة البلايستيشن بتضيفها بإيدك:
- اتأكد إن عندك مجموعة أجهزة.
- من الأجهزة اضغط إضافة جهاز.
- اكتب الاسم واختار النوع: PC أو PlayStation، واختار المجموعة.
- للبلايستيشن تقدر تربط مفتاح Sonoff علشان التلفزيون يشتغل ويقفل مع الجلسة. الشرح
طرق العرض
- كروت أو خريطة أو قائمة، وتقدر تفلتر PC أو PS.
- في الخريطة اسحب أي جهاز لمكانه الحقيقي في الصالة. فيه 3 أشكال للخريطة تختار منها: Neon وSetup وHex.
أوامر الجهاز (كليك يمين)
| الأمر | بيعمل إيه |
|---|---|
| إيداع | بيحوّل مبلغ لدقايق حسب سعر المجموعة، ويفتح جلسة أو يمد الجلسة الشغالة. |
| بيع | بيع منتجات للجهاز ده. |
| تشغيل | بيشغّل الجهاز وهو مطفي (محتاج السيرفر المحلي أو جهاز تاني شغال). |
| نقل الجهاز | بينقل الجلسة لجهاز تاني فاضي بنفس الوقت. |
| إغلاق رصيد | بينهي الجلسة. باقي الوقت بيرجع فلوس لو المجموعة مسموح فيها بالاسترجاع. |
| إعادة تشغيل / إيقاف | بيعيد تشغيل الجهاز أو يطفيه. |
| صيانة / استعادة | بيشيل الجهاز من الخدمة وبيرجّعه، حتى لو مطفي. |
صحة الأجهزة والمونيتور
تبويب صحة الأجهزة بيعرض الحرارة والرامات والهارد لكل جهاز مع اقتراحات للإصلاح. وتبويب المونيتور بيعرض الشاشات ويسمح بالتحكم عن بُعد داخل الصالة.
الشرح التاليالمجموعات والأسعار
لسه محتاج مساعدة؟فريق الدعم متاح على واتساب وتيليجرام.
واتساب
