المتجر والكافيتريا ونقطة البيع

الكافيتريا جزء من النظام: المنتجات والمخزون والبيع من الكاشير أو من مقعد اللاعب، وكله بيتسجل في الوردية.

المنتجات

1. البيع ← إدارة المنتجات ← إضافة.
2. اكتب الاسم والسعر والكمية، واختار القسم. الصورة والباركود اختياري (الباركود ما يتكررش).
3. الأقسام ممكن تكون رئيسية وفرعية.

المخزون

• توريد: يزوّد الكمية لما تشتري بضاعة.
• جرد: يظبط الكمية على العدد الفعلي.
• كل حركة بتتسجل في تقرير حركة المخزون، والمنتجات اللي قربت تخلص بتظهر في تقرير المخزون.

البيع من الكاشير

1. الأجهزة ← نقطة البيع.
2. دوّر على المنتج أو امسح الباركود.
3. اختار كاش أو عميل (يتخصم من رصيده).
4. اضغط تأكيد البيع.

لو بعت لجهاز عليه جلسة Play & Pay، المبلغ بيتضاف على فاتورة الجلسة.

الطلب من المقعد

فعّل المتجر من التهيئة ← الكلينت واختار طريقة الطلب:

• إرسال للكاشير: الطلب يظهر في الطلبات المعلّقة ← طلبات المنتجات وتوافق عليه.
• خصم فوري: لو العميل عنده رصيد كفاية، بيتخصم على طول.

استرجاع بيعة محتاج صلاحية استرجاع المبيعات.