تثبيت الـ Receiver وربطه بحسابك

السيرفر المحلي (Receiver) برنامج بيتثبت على جهاز واحد في الصالة، وبيفتح اتصال آمن من الصالة للسحابة. السحابة مش بتقدر توصل لشبكتك الداخلية مباشرة، فالـ Receiver هو حلقة الوصل.

إمتى تحتاجه

الإدارة الأساسية والفوترة بتشتغل من السحابة. الـ Receiver مطلوب للمزايا اللي محتاجة وصول للشبكة المحلية:

• تشغيل الأجهزة عن بُعد (Wake-on-LAN).
• اكتشاف الألعاب وتحديثها بـ SteamCMD.
• الـ Builder ومشاركة الشيدرز.
• واي فاي LAN وربط راوتر MikroTik.
• مشاهدة شاشات الأجهزة والتحكم عن بُعد داخل الصالة.

التثبيت

1. من لوحة التحكم افتح الإعدادات وانزل لكارت السيرفر المحلي (الرسيفر).
2. اضغط تحميل السيرفر المحلي وثبّته على الجهاز اللي هيفضل شغال طول اليوم، وشغّله كمسؤول.
3. اكتب اسم المستخدم وكلمة مرور المالك. حسابات الكاشير مش بتفعّل السيرفر.
4. بعد التفعيل، حالة السيرفر في نفس الكارت هتبقى متصل.

التحديثات

لما يكون فيه إصدار جديد، هيظهر في التهيئة ← التحديثات ← تحديث السيرفر المحلي. اضغط موافقة - تحديث، والسيرفر هيتحدث لوحده خلال ساعة.

مشاكل شائعة

• الحالة "غير متصل": اتأكد إن البرنامج شغال، وإن الجهاز عليه إنترنت، وإن الجدار الناري مش مانع البرنامج.
• "الحساب مفعّل على جهاز آخر": الحساب مربوط بجهاز تاني. كلم الدعم.