العملاء والمحفظة والشحن

كل عميل له حساب ورصيد وسجل كامل. العميل يقدر يسجل بنفسه من تطبيق اللاعب، أو تضيفه أنت من اللوحة.

إضافة عميل

1. افتح العملاء ← إضافة.
2. اكتب الاسم، والهاتف، والبريد (اختياري).
3. لو بتستخدم كروت RFID، اضغط قراءة وقرّب الكارت من القارئ. كل كارت بيتربط بعميل واحد بس.

العميل الجديد بيبدأ برصيد صفر.

شحن وخصم الرصيد

• شحن: من صفحة العميل. المبلغ بيتسجل كإيراد في الوردية.
• خصم: محتاج صلاحية خصم رصيد العميل.
• السجل بيعرض كل عملية: شحن، جلسات، مشتريات.

طلبات الشحن من العملاء

لما العميل يحوّل فلوس (فودافون كاش مثلًا) ويرفع الإيصال من التطبيق، الطلب بيظهر في الأجهزة ← الطلبات المعلّقة ← طلبات الشحن. راجع الإيصال واضغط موافقة أو رفض. إعداد طرق الدفع

حظر عميل

من صفحة العميل اضغط حظر (للمالك فقط):

• السبب (بيظهر للعميل) والمدة: دائم أو 1 أو 7 أو 30 يوم.
• الرصيد: تجميد لحد رفع الحظر، أو استرجاع كاش من الدرج.

الحظر بيمنع كل طرق الدخول، والحظر المؤقت بيترفع لوحده لما المدة تخلص.